Журналистика және әлеуметтік ғылымдар жоғары мектебі
Тарихы мен құрылымы
Журналистика және әлеуметтік ғылымдар жоғары мектебінің негізі 2010 жылдың 5 мамырында университет Ғылыми кеңесінің шешімімен (Ректордың №704-Ж бұйрығы) қаланды. Одан бері өткен он жылдан астам уақыт ішінде факультет іргелі білім ордасына айналып, бүгінде заман талабына сай Журналистика және әлеуметтік ғылымдар жоғары мектебі мәртебесіне ие болды.
Басшылық
Жоғары мектептің деканы — белгілі прозашы, ақын, филология ғылымдарының кандидаты, доцент Қуантаев Нұржан Қуантайұлы. Ол — мемлекеттiк «Дарын» сыйлығының, Қазақстан Жастар одағы сыйлығының және Қазақстан Журналистер одағының Смағұл Садуақасов атындағы сыйлығының лауреаты.
Профессор-оқытушылар құрамы
Біздің ұжым — еліміздің зияткерлік капиталының алтын діңгегі. Жоғары мектепте: ҚР Жоғары мектеп ҰҒА 1 академигі; Журналистика академиясының 4 академигі; 12 ғылым докторы мен 24 ғылым кандидаты; 5 PhD докторы; «Жоғары оқу орнының үздік оқытушысы» грантының 4 иегері; 1 ҚР еңбек сіңірген қайраткері және 4 ҚР мәдениет қайраткері қызмет етеді.
Білім беру бағыттары мен кафедралар
Жоғары мектеп құрамында келесі кафедралар жұмыс істейді:
Осы кафедралар негізінде журналистика, PR, баспа ісі, социология, психология, дінтану, философия және мәдениеттану салалары бойынша білікті мамандар даярланады.
Халықаралық ынтымақтастық
PhD докторантура бағдарламалары әлемнің алдыңғы қатарлы ғылыми орталықтарымен тығыз байланыста жүзеге асады. Біздің серіктестеріміздің қатарында Ұлыбритания, АҚШ, Германия, Франция, Жапония, Корея, Испания, Нидерланды, Бельгия, Италия, Канада, Түркия және Қытай сияқты 30-ға жуық елдің жетекші университеттері бар. Бұл докторанттарымызға халықаралық деңгейде тәжірибе жинақтап, әлемдік ғылымға интеграциялануға мүмкіндік береді.
Телерадио және қоғаммен байланыс кафедрасы 2009 жылдың 26 ақпанында құрылған.
Кафедра жетекшісі филология ғылымдарының кандидаты, доцент Әшірбекова Гүлмира Шайтмағанбетқызы.
Кафедра түлектері мына бағыттар бойынша жұмыс істей алады:
- теле және радиожүргізушілер;
- бизнес-журналистика;
- БАҚ менеджері;
- продюсер;
- жарнама агенті;
- паблик-рилейшнз;
- компаниялар мен корпорациялардың баспасөз қызметі.
Баспасөз және баспа ісі кафедрасы 1998 жылы құрылған. Оның ұйымдастырылуына ҚР Мемлекеттік сыйлығының лауреаты Ақселеу Сланұлы Сейдімбек үлкен үлес қосты.
Кафедраны PhD докторы Шүрентаев Амангелді Мейрамұлы басқарады.
Кафедра мына салалар бойынша:
- газеттер мен журналдардың тілшілерін;
- ақпарат агенттіктері мамандарын;
- БАҚ әдеби қызметкерлерін;
- БАҚ редакторларын;
- мерзімді басылымдардың техникалық редакторларын;
- жарнама агенттерін;
- кітап ісінің менеджерлерін даярлайды.
